14 एप्रिल बाबासाहेब आंबेडकर
अंधारच होता नशिबी ज्यांच्या
त्यांना प्रकाशाचं दान दिलं
तुमचे मानावे किती उपकार
साहेब, तुम्ही संविधान दिलं
ज्योतीबांची विचारधारा टिकण्यासाठी
निरक्षरतेचे कलंक पुसण्यासाठी
तुम्ही वेचलं आयुष्य
सामान्यांच्या सुखासाठी
आज स्वातंत्र्यात जगतो आम्ही
बाबासाहेबाना स्मरतो आम्ही
डॉ. बाबासाहेब आंबेडकर
शाहू फुलेच्या विचारांना
ओंजळीत या धरतो आम्ही
जरी वेगळ्या भाषा असल्या
तरी एकता कायम आहे
कारण तुम्ही दिलेल्या संविधानात
समानतेचा नियम आहे
हा सलोखा ही बंधुता
राष्ट्रभावना वाढत जाईल
रोज पहाटे सूर्य दिसला
की तुमची आठवण येत राहील.